Mau parau faaite
◼ Te mau buka e pûpûhia i te avaˈe atopa: Te tamatahitiraa i te A ara mai na! e Te Pare Tiairaa no te hoê tino moni e 400 tara e hoê matahiti e 200 tara e ono avaˈe. E rave tatou i te hoê tutavaraa taa ê no te vaiiho i te mau vea. E nehenehe te tamatahitiraa e pûpûhia i roto i te hoê hoˈifaahou-raa e farerei mai te peu e e faaite te taata i te anaanatae mau. Novema: E pûpû tatou i te Traduction du monde nouveau e te buka ra Te Bibilia—Parau na te Atua aore ra na te taata? no te hoê tino moni e 320 tara. Titema: E pûpû tatou i te buka apî ra Te ite e aratai i te ora mure ore no te hoê tino moni e 80 tara, e e rave tatou i te hoê tutavaraa taa ê no te hoˈi e hiˈo i te mau taata o tei farii i teie buka; ta tatou tapao oia hoi te haamataraa i te mau haapiiraa bibilia. Tenuare: Te mau buka atoa e 192 api piahia hou te matahiti 1982 e vai ra i roto i te amuiraa. No te mau amuiraa aita ta ratou i teie mau buka e pûpû ïa ratou i te buka Nafea ia faatupu i te hoê oraraa utuafare oaoa no te hoê tino moni e 80 tara. FAAARARAA: Te mau amuiraa o te hinaaro i te mau buka i faahitihia ˈtu nei, a ani atu ïa i nia i ta ratou Parau aniraa buka i mua nei (S-14).
◼ Te vai ra i roto i Te Taviniraa o te Basileia ei api hau te “Porotarama 1996 no te Haapiiraa o te taviniraa teotaratia”; a faaherehere noa e tae atu i te hopea o te matahiti 1996.
◼ E tia i te mau amuiraa ia haamata i te ani i te vea iti E imi anaˈe na i te parau i papaihia ra i te mau mahana atoa—1996 i nia i ta ratou parau aniraa buka no atopa. E ani-taa-ê-hia teie vea iti.
◼ Te vai ra i roto i te A ara mai na! o te 8 no novema i te mau tumu parau no nia i te mau Momoni. Te faaite ra teie anairaa tumu parau, maoti i te faahapa i te faaroo a te mau Momoni, ma te maramarama maitai i te tahi o ta ratou mau tiaturiraa ia au i te Bibilia. Ua ravehia te mau maimiraa papu e ua hiˈopoa-maite-hia te mau haamaramaramaraa e vai ra i roto ia au i te mau pu Momoni. Te manaˈo ra matou e e tauturu teie hiˈopoaraa i te aamu e te mau haapiiraa tumu a te mau Momoni i te mau taata haavare ore ia taa e ihea roa te maramarama o te parau mau e anaana ˈi. E hinaaro paha outou e ani hau atu â i teie vea no te faaohipa i te reira i muri iho i roto i te pororaa. E tia i te mau amuiraa ia faaite oioi noa i te Taiete i te mau aniraa hau atoa o teie vea.
◼ E hiˈopoa te mau papai parau i te roaraa o te avaˈe atopa i te mau faaueraa e vai ra i roto i te vea iti apî “Prix courant—1er septembre 1995” (S-15-F). E hiˈopoahia te reira e te mau taeae o te haapao ra i te mau buka, te mau vea, te mau tamatahitiraa e te mau tabula faufaa moni. E tia i te taata tataitahi ia pee maite i te reira.