Mau parau faaite

◼ Te mau buka e pûpûhia i te avaˈe setepa: E faaohipa tatou i te buka ra E ora e a muri noa ˈtu no te hoê tino moni e 80 tara te buka faito nainai e 160 tara te buka faito rahi. E tutava tatou i te haamata i te mau haapiiraa bibilia. Atopa: Te tamatahitiraa i te A ara mai na! aore ra i Te Pare Tiairaa no te hoê tino moni e 320 tara e hoê matahiti e 160 tara e ono avaˈe. E rave tatou i te hoê tutavaraa taa ê no te vaiiho i te mau vea. E nehenehe te tamatahitiraa e pûpûhia i roto i te hoê hoˈi-faahou-raa e farerei mai te peu e e faaite te taata i te anaanatae mau. Novema: E pûpû tatou i te Traduction du monde nouveau e te buka ra Te Bibilia—Parau na te Atua aore ra na te taata? no te tino moni e 250 tara. FAAARARAA: Te mau amuiraa o te hinaaro i te mau buka i faahitihia ˈtu nei a ani atu ïa i nia i ta ratou Parau aniraa buka i mua nei (S-14).

◼ E hiˈopoahia te mau tabula faufaa moni a te amuiraa i te 1 no setepa, aore ra i muri noa ˈˈe i teie taio mahana, na te tiaau-peretiteni aore ra te hoê taeae tei faataahia e ana. E faaitehia i muri iho i te amuiraa e ua ravehia taua hiˈopoaraa ra.

◼ E tia i te feia poro o te opua ra e rave i te taviniraa pionie tauturu i te avaˈe atopa ia faahoˈi oioi i ta ratou aniraa. E nehenehe ïa te mau matahiapo e rave i te mau faanahoraa no te mau buka e te mau tuhaa fenua.

◼ E ara te mau matahiapo i te pee i te mau aˈoraa a Te Pare Tiairaa no te 1 no eperera 1991, mau api 25-27 no te mau taata tiavaruhia atoa aore ra tei iriti ia ˈna e o te faaite ra i te hinaaro e hoˈi faahou mai i roto i te amuiraa.

◼ E hopoihia ˈtu e maha vea apî no te Mau tarifa i te amuiraa tataitahi. E horoahia te reira i te papai parau e i te mau taeae o te haapao ra i te mau buka, te mau vea e te mau tabula faufaa moni.

◼ Mau buka apî e vai nei:

Farani: Mau buka tahoêhia 1994 o Te Pare Tiairaa e o te A ara mai na! Ripene video: La Bible: un récit historique exact, des prophéties dignes de foi, faaharuharuraa SECAM. Beretane: Ripene video: United by Divine Teaching, faaharuharuraa SECAM. E nehenehe te mau amuiraa e ani i teie nei â i te mau buka e te mau ripene faahitihia i nia nei.

◼ Te vai faahou ra:

Farani: Buka tahoêhia 1984 o Te Pare Tiairaa.