Pahonoraa i ta outou mau uiraa
◼ Eaha te aupururaa te tia ia tatou ia rave i nia i te mau tauihaa e faaohipahia i roto i te pororaa?
1 Noa ˈtu e ua mau aau ia ˈna i te hoê faaiteraa bibilia tano, eita paha te hoê taata poro i te parau apî maitai e faaineine maitai i te mau tauihaa ta ˈna e faaohipa. I mua i te hoê uputa, e ite o ˈna e aita ta ˈna e buka e pûpû no te avaˈe. Ua miˈomiˈo aore ra ua mutu ta ˈna mau vea, mau vea iti e te mau api parau iti. I te mea hoi e ua huenane ta ˈna pute iti, eita ïa o ˈna e ite i ta ˈna penitara aore ra i te hoê api parau tapaopaoraa. E mea faufaa ia ara i ta tatou mau tauihaa hou a haere ai e poro.
2 Eaha te tia ia tuu atu i roto i te hoê pute pororaa ineine maitai? E titauhia te hoê Bibilia. E rave tatou i te mau api parau tapaopaoraa. Ia papu ia tatou e te vai ra ta tatou buka e pûpû no taua avaˈe ra. E mea faufaa te mau vea hopea e te mau api parau iti e te mau vea iti. E afai atoa i te buka ra Comment raisonner. E nehenehe tatou e hiˈo faahou i te mau faaiteraa horoahia i roto i Te taviniraa o te Basileia o taua avaˈe ra hou a haere atu ai i mua i te hoê uputa. I roto i te hoê tuhaa fenua e farerei tatou i te tahi mau taime i te mau taata e paraparau i te hoê reo ê, e mea maitai ia tuu i roto i ta tatou pute i te vea iti ra Une bonne nouvelle pour toutes les nations. E te hoê o ta tatou mau buka no te mau taurearea, e nehenehe ïa tatou e tauaparau e te feia apî.
3 E tia i te mau mea atoa ta tatou e faaohipa ia faanaho-maitai-hia i roto i ta tatou pute. Aita e faufaa e rave i te pute apî, ia mâ râ e te maitai. Ua riro ta tatou pute pororaa ei tauihaa ta tatou e faaohipa no te faaite i te parau apî maitai. Ia tamau noa tatou i te faanaho atu.