Mau parau faaite

◼ Mau buka e pûpûhia i te avaˈe titema: Te taata rahi roa ˈˈe i ora aˈenei no te tino moni e 120 tara. Mai te peu e aita faahou ta outou i teie buka, a pûpû i Ta ˈu buka aamu bibilia aore ra E nehenehe oe e ora e a muri noa ˈtu i roto i te paradaiso i nia i te fenua nei no te tino moni e 160 tara. Tenuare: Te mau buka atoa e 192 api neneihia hou te matahiti 1982 e vai ra i roto i te amuiraa no te hoê tino moni e 50 tara. E pûpû te mau amuiraa aita ta ratou teie mau buka i te buka ra La paix et la sécurité véritables: comment est-ce possible? Febuare: E nehenehe oe e ora e a muri noa ˈtu i roto i te paradaiso i nia i te fenua nei no te tino moni e 160 tara. E tia ia hoˈi faahou e farerei i te feia tei farii i teie buka e e tutava no te haamata i te mau haapiiraa bibilia. Mati: Te Apokalupo: Ua fatata roa to ˈna tatararaa rahi hopea nei! no te tino moni e 160 tara. FAAARARAA: Te mau amuiraa o te hinaaro i te mau buka i faahitihia ˈtu nei, a ani atu ïa i nia i ta ratou Parau aniraa buka i mua nei (S-14).

◼ E hiˈopoahia te mau tabula faufaa moni a te amuiraa i te 1 no titema, aore ra i muri noa ˈˈe i teie taio mahana, e te tiaau-peretiteni aore ra te hoê taeae tei faataahia e ana. E faaitehia i muri iho i te amuiraa e ua ravehia taua hiˈopoaraa ra.

◼ I te matahiti 1996, e tupu te oroa Haamanaˈoraa i te mahana piti 2 no eperera, i muri aˈe noa i te toparaa mahana. Te faaitehia nei teie taio mahana na mua ˈˈe ia nehenehe e tapao aore ra e tarahu i te mau piha no te mau amuiraa e rave rahi iho â râ e putuputu ra i roto i te hoê â Piha no te Basileia, o te turai ia ratou ia imi i te tahi atu fare no taua oroa ra.

◼ E tia i te mau amuiraa ia haamata i te ani i te mau buka tahoêhia 1994 o Te Pare Tiairaa e te A ara mai na! i nia i ta ratou Parau aniraa buka no titema. Te vai ra na roto i te reo beretane, tinito, farani. E tapaohia “Tiai” i nia i te mau api haponoraa mai te peu e te vai ra teie mau buka e haponohia ˈtu. E ani-taa-ê-hia te mau buka tahoêhia.

◼ Te anihia ra i roto i te rata a te Taiete no te 1 no atete 1993, faataehia no te mau tino matahiapo atoa, ia horoa i te taata bapetizo-apî-hia piti api hau o Te taviniraa o te Basileia o te tuatapapa ra i te mau tupuraa ru i te pae rapaauraa, avaˈe novema 1990 e setepa 1992. E apee te mau matahiapo i teie faaueraa.

◼ Te faahepo nei te mau faatureraa a te maitiraa faehau i te mau tane atoa ia tapao ia ratou i te fare mutoi farani aore ra i te fare hau tivila i te 18raa o te matahiti. E tia i te feia atoa no ratou teie parau ia rave oioi noa i te reira, ma te faariro i te reira ei titauraa kerisetiano i mua i te mau mana faatere. Ia manaˈo te mau matahiapo e ia faahaamanaˈo i te mau taeae apî e naeahia ra to ratou e 18 matahiti. E pahono ïa ratou i te mau uiraa no nia i te mau hopoia a te mau kerisetiano apî i roto i taua tuhaa ra.

◼ Ua faaineine te Taiete i te mau parau no te tauturu ia tatou ia paruru maitai aˈe ia tatou no nia i to tatou tiaraa i nia i te toto. E faufaaraa mana to ratou e te faahiti ra te mau ture. Te horoa-atoa-hia ra e rave rau uiraa no nia i te oraora-maitai-raa, ei hiˈoraa, te mau faaotiraa no nia i te faaoreraa i te mau rapaauraa o te turu i te ora. E tapirihia ˈtu te reira i te parau Mau faaueraa i te pae rapaauraa no te faaite i to tatou mau hinaaro no nia i te mau ravea rapaauraa. Eita e horoahia teie parau na te feia poro. E noaa i te feia anaˈe (ei hiˈoraa, te feia e opua ra e tâpû ia ratou aore ra tei hinaaro e faaite na mua i te mau ravea rapaauraa ta ratou e hinaaro) te parau na roto i te arai o te hoê matahiapo o ta ratou amuiraa o te faaite atu i te Tomite tuatiraa e te Fare Maˈi.