Hiˈo-faahou-raa no te haapiiraa o te taviniraa teotaratia
Hiˈo-faahou-raa ma te tamau i te buka no nia i te mau tumu parau i tuatapapahia i roto i te te Haapiiraa o te taviniraa teotaratia i te hebedoma no te 3 no tenuare e tae atu i te 18 no eperera 1994. A papai i te mau pahonoraa o te mau uiraa atoa o ta outou e nehenehe e hiˈopoa i roto i te area taime i faataahia, i nia i te hoê api parau taa ê.
[Nota: I roto i te taime faataahia no te hiˈo-faahou-raa, o te Bibilia anaˈe te faaohipahia. Ua faahitihia te mau faahororaa i tapaohia i muri aˈe i te mau uiraa atoa no te faaohie i ta outou mau maimiraa. Aita te taatoaraa o te mau numera o te mau api e te mau paratarapha o Te Pare Tiairaa i faahitihia.]
A tuu “tano” aore ra “hape” i muri aˈe i te mau pereota i muri nei:
1. Eita roa ˈtu te mau taata o tei farii-maitai-hia e te Atua e roohia i te ati. [Taioraa Bibilia; hiˈo i te w92-TH 15/9 api 4.]
2. Ia au i te Nehemia 10:34, ua faaue te Ture i te pûpûraa i te raau. [Taioraa Bibilia; hiˈo i te w86 15/2 api 26.]
3. Te tuea ra te mau parau parururaa a Ioba i roto i te Ioba 31:1 e te mau parau a Iesu i roto i te Mataio 5:27, 28. [Taioraa Bibilia; hiˈo i te w79 15/3 api 30]
4. Hau atu i te 1 500 matahiti na mua ˈˈe i te Mesia, ua faaite o Ioba i te tiaturiraa i roto i te tia-faahou-raa. [Taioraa Bibilia; hiˈo i te Ioba 14:13 e te w93-TH 15/4 api 11.]
5. Ua faaohipa te mau pharisea e te mau papai parau i te parau hebera ra ʽam ha·ʼaʹrets, oia hoi “feia no te repo [fenua],” no te feia o te nunaa ta ratou e faariro nei mai te repo puehu ra. [gt pene 85]
6. E nehenehe te aamu i roto i te Esetera 1:10-12 e tauturu i te hoê taata maramarama ia farii e mea faufaa aˈe ia riro ei taata auraro e te faaroo i te haviti i te pae tino. [Taioraa Bibilia; hiˈo i te w79 15/6 mau api 13-14]
7. E faaitehia te paieti na roto i te hoê taairaa î i te here no to tatou mauruuru rahi ia Iehova e no ta ˈna mau ohipa. [uw api 19 § 15]
8. E aamu mau no te oraraa te faatiaraa a te Bibilia i roto i te Luka 16:19-31 no te taata taoˈa rahi e o Lazaro. [gt pene 88]
9. A faahiti ai Iesu i te parau no “te taoˈa haavare” i roto i te Luka 16:9, te parau ra oia no nia i te taoˈa e roaa mai ma te faaohipa i te mau ravea tano ore. [gt pene 87]
10. I roto i te Luka 17:34, 35, te auraa o te parau “e riro oia” o te haamouraa ïa. [gt pene 93]
A pahono i te mau uiraa i muri nei:
11. Eaha na uiraa faufaa e piti ta te buka a Ioba e faahiti ra? [si-TH api 14 § 1]
12. Nafea te faaiteraa i roto i te Ioba 1:8 e tauturu ai ia tatou ia haapapu i te taime o te tamataraa a Ioba? [si-TH api 14 § 4]
13. Eaha ta Iesu i hinaaro e parau i to ˈna faahitiraa e e tia i ta ˈna mau pǐpǐ ia “haapae” i to ratou mau fetii? (Luka 14:26) [gt pene 84]
14. Afea e i nia ia vai te mau parau a Iesu i roto i te Ioane 11:26 i tupu mau ia au i tei papaihia? [gt pene 90]
15. No te aha te tia-faahou-raa o Lazaro mai te pohe mai i riro ai ei faahaparaa rahi no te mau Sadukea? [gt pene 91]
16. Nafea tatou ia taa i te pahonoraa a Iesu i te mau Pharisea a parau ai oia e: “Tei roto te Basileia a te Atua ia outou”? (Luka 17:21) [gt pene 93]
17. Eaha te huru feruriraa o te mau Pharisea, i faaitehia i roto i te Luka 18:11, 12, te tia i te mau kerisetiano ia haapae? [gt pene 94]
18. Noa ˈtu e taata tia e te hara ore o Iesu, no te aha oia i patoi ai ia piihia o ˈna “maitai” na te taata apî taoˈa rahi? (Mareko 10:17, 18) [gt pene 96]
19. Eaha nau tumu faufaa e piti o te faatupu i te tahoêraa kerisetiano? [uw api 8 § 8]
20. Mai te peu e e parau te hoê taata e te tiaturi nei oia i te Toru Tahi, no te aha e mea paari ia titau ia ˈna ia faaite i to ˈna manaˈo na mua ˈˈe e patoi atu i taua haapiiraa ra? [uw api 16 § 10]
A faaî i te mau area i vaiihohia i roto i te mau pereota i muri nei:
21. Te “mau vahi moemoe” faahitihia i roto i te Ioba 3:14 o te mau ․․․․․․․․. [Taioraa Bibilia; hiˈo i te w79 1/8 api 31]
22. Mai te mau Ati Iuda i te tau o Esetera, te ani nei te mau Ite no Iehova i te tauturu i te mau ․․․․․․․․ no te paruru ia ratou i te mau enemi. [Taioraa Bibilia; hiˈo i te w86 15/3 api 25]
23. Noa ˈtu e ․․․․․․․․ mau taata “papai parau” i faaohipahia no te papai i te Bibilia, o ․․․․․․․․ iho to ˈna Fatu. [uw api 20 § 2]
24. No ô mai te feruriraa o te tiamâraa ia ․․․․․․․․ ra. [uw api 10 § 10]
25. Ua faaoti o Nehemia i ta ˈna buka na roto i teie aniraa ohie e te haehaa e: ․․․․․․․․ [Taioraa Bibilia]
A maiti i te mau pahonoraa tano i roto i te mau faahitiraa i muri nei:
26. O te mau pǐpǐ a Iesu te miti no te fenua oia hoi e (tia ia ratou ia faaoromai i te hamani-ino-raa; ia paraparau ma te mǎrû; e mana faaherehere atoa to ratou i nia i te taata). [gt pene 84]
27. I roto i te Ioane 1:1, te faahitihia ra (hoê; piti; toru) (mau) taata [uw api 16 § 11]
28. Ia au i te Salamo 9:10, te auraa i te iteraa e o vai te Atua (te ite-noa-raa i to ˈna iˈoa; te noaaraa te tahi ite no nia i ta ˈna mau opuaraa; te faaturaraa i to ˈna mana e te auraroraa i ta ˈna mau faaueraa). [uw api 18 § 14]
29. Ua ora o Lazaro, Mareta, e o Maria i (Ierusalema; Betelehema; Betania). [gt pene 89]
30. I roto i te Genese 1:1 e te 1:26, te parau hebera i hurihia na roto i te “Atua” oia hoi (ʼAdho·naiʹ; ’Elo·himʹ; Shad·daiʹ). [uw api 17 § 11]
A faatuati i te mau pereota i muri nei i te mau irava e tano:
Neh. 13:23-27; Esetera 1:17-20; Ioba 14:14, 15; 26:7; Mas. 3:5, 6
31. Aita e taoˈa ite-mata-hia o te turu nei te fenua i te hoê vahi. [Taioraa Bibilia; hiˈo i te w92-TH 15/5 api 5]
32. E tia i te feia haamori i te Atua mau o te imi nei i te hoê hoa ia faaipoipo anaˈe i te hoê taata faaroo o te faatupu ra i te taairaa piri e o Iehova. [Taioraa Bibilia; hiˈo i te w89 1/6 api 14]
33. Te hinaaro ru nei Iehova e faatia i te feia pohe. [Taioraa Bibilia; hiˈo i te w90 1/5 api 7]
34. E haapapu to tatou huru oraraa taatoa e te arataihia ra to tatou feruriraa e te opuaraa o to tatou mafatu e te Atua. [uw api 10 § 11]
35. E nehenehe te ereraa i te faatura i te mana tei haamauhia e faaino ia vetahi ê. [Taioraa Bibilia; hiˈo i te w79 15/6 mau api 13-14]