Mau parau faaite

◼ Mau buka e pûpûhia i te avaˈe febuare: E nehenehe oe e ora e a muri noa ˈtu i roto i te paradaiso i nia i te fenua nei no te tino moni e 160 tara (faito rahi) aore ra 80 tara (faito nainai, farani). Mati: Te Apokalupo: ua fatata roa to ˈna tatararaa rahi hopea nei! no te tino moni e 160 tara. Eperera e me: Te tamatahitiraa i te mau vea Te Pare Tiairaa e A ara mai na! no te tino moni e 320 tara te vea tataitahi, aore ra te mau vea iti atoa faito rahi (eiaha te vea iti Te fare haapiiraa [farani]) no te tino moni e 30 tara. FAAARARAA: Te mau amuiraa o te hinaaro i te mau buka i faahitihia ˈtu nei, a ani atu ïa i nia i ta ratou Parau aniraa buka i mua nei (S-14).

◼ E hiˈopoa te taeae papai parau e te tiaau no te taviniraa i te ohipa a te taatoaraa o te mau pionie tamau. Mai te peu e te fifi nei vetahi ia naea ta ratou hora, e faanaho ïa te mau matahiapo ia tauturuhia ratou. E ite outou i te mau manaˈo i roto i te mau rata a te Taiete (S-201) no te 1 no atopa 1993 e no te 1 no atopa 1992. A hiˈo atoa i te mau paratarapha 12-20 o te api hau o Te taviniraa o te Basileia no atete 1986.

◼ E faatupuhia te oroa Haamanaˈoraa i te mahana maa 26 no mati 1994. Ia haamanaˈo outou e haamata noa te faatereraa i te pane e te uaina i muri aˈe i te toparaa mahana, noa ˈtu e nehenehe te oreroraa parau o te oroa Haamanaˈoraa e haamata na mua ˈˈe. A hiˈo maitai i te hora o te toparaa o te mahana i nia i te hoê kalena. Eita te hoê putuputuraa ê atu i tei faanahohia no te pororaa e faatupuhia i te reira mahana. E taui paha te mau amuiraa o tei matau i te faatupu i ta ratou mau putuputuraa i te mahana maa i te tahi atu mahana mai te peu e e vata te piha.

◼ E tia i te feia poro o te hinaaro e riro ei pionie tauturu i te mau avaˈe mati e eperera ia faanaho ia ratou i teie nei e ia faaî oioi i ta ratou aniraa. E tauturu te reira i te mau matahiapo ia rave i te mau faanahoraa titauhia no te pororaa e ia faaineine i te mau pueraa buka navai maitai.

◼ Faaafaroraa: Te oreroraa parau taa ê hohorahia i te sabati 10 no eperera 1994 teie ïa “E haamâha te haapaoraa mau i te mau hinaaro o te totaiete taata nei.”

◼ Ohipa apî e vai ra i nia i te mau disquettes: GetVerse. E faaô roa teie porotarama roro uira apî i te mau irava bibilia i roto i te hoê api parau e te rahiraa o te mau faanaho parau e ohipa i nia ia DOS. E mea ohie roa oia no te faaineine i te mau oreroraa parau, ia hamani i te mau tabula irava. Te vai ra te GetVerse i te reo beretane i roto i te hoê huru o te hoê puohu e pae disquettes i te faito 5” 1/4 (360 kilo-octets) aore ra te hoê puohu e toru disquettes i te faito e 3” 1/2 (720 kilo-octets). Ua faanahohia teie porotarama roro uira no te faaohiparaa e piti tauihaa roro uira ê atu o te vai aˈena (New World Translation of the Holy Scriptures — With References aore ra New World Translation of the Holy Scriptures — With References/Insight on the Scriptures), o tei tamau-ê-na-hia i nia i ta outou iho matini roro uira.