Ia ore oe e nehenehe faahou e faaoromai

Ua ere o Sally,a no te Hau Amui oia, i te rahiraa o ta ˈna mau taoˈa i roto i te hoê mataˈi rorofai. Te faataa ra oia: “Aita i haere faahou ia ˈu. Te rahiraa o te taime, ua manaˈo vau e aita vau e nehenehe faahou e faaoromai.”

E tupuraa fifi mau ia pohe tei herehia. Teie ta Janice, no Auteralia oia, e parau ra: “I te taime i pohe ai ta ˈu na tamaiti e piti, mai te huru ra e ua huˈahuˈa roa vau. Ua tamata râ vau i te haere i mua. Ua taparu vau i te Atua ma te parau: ‘Auê! Mauiui roa to ˈu aau! A vaiiho ia ˈu ia taoto. Aita vau e hinaaro e ara faahou.’”

Ua taiva to Daniel hoa faaipoipo ia ˈna. Ua hepohepo roa o ˈna. Te na ô ra oia: “A faaite ai ta ˈu vahine e ua taiva o ˈna ia ˈu, mai te huru ra e ua patiatiahia to ˈu mafatu i te hoê tipi. Ua mauiui vau mai tera te huru e tau avaˈe i te maoro.”

Te faaruru anei ra oe i te hoê o te mau fifi i muri nei?

• Ia tupu te hoê ati natura

• Ia pohe tei herehia

• Ia taiva to oe hoa faaipoipo

• Ia faaruru oe i te maˈi ino mau

• Ia ore oe e nehenehe faahou e faaoromai

Te faaite ra teie vea Te Pare Tiairaa no te aha e mea hoona ia ora.

A tahi, nafea tatou e haere ai i mua ia tupu te hoê ati natura?