TE PAHONO RA TE BIBILIA
No te aha eita ˈi te taata e hopoi mai i te hau i te fenua nei?
Hoê anaˈe faatereraa te nehenehe e taui i te huru o te taata a tupu atu ai te hau
Te faaite ra te Bibilia e piti tumu. A tahi, noa ˈtu e ua rahi te ohipa faahiahia ta te taata i rave, aita oia i hamanihia no te faatere ia ˈna iho. Te piti, eita te mau opuaraa a te taata e manuïa no te mea “te vai noa nei to te ao atoa i raro aˈe i taua varua ino” o Satani te Diabolo. Noa ˈtu ïa te mau tutavaraa, eita te taata e nehenehe e hopoi mai i te hau i te fenua nei.—A taio i te Ieremia 10:23; Ioane 1, 5:19.
No te miimii e te nounou atoa o te taata e manaˈohia ˈi mai tera. O te hoê anaˈe faatereraa o te haapii i te huitaata atoa ia hinaaro i te mea tia e ia haapao ia vetahi ê te hopoi mai i te hau.—A taio i te Isaia 32:17; 48:18, 22.
Na vai e faatupu i te hau i te fenua nei?
Ua fafau te Atua Manahope e haamau i te hoê noa faatereraa. E faaorehia ïa ta te taata. (Daniela 2:44) Ei Arii no te hau, o Iesu te Tamaiti a te Atua te faatere. E faaore oia i te ino i nia i te fenua nei a haapii atu ai i te taata ia faatupu i te hau.—A taio i te Isaia 9:6, 7; 11:4, 9.
I raro aˈe i ta Iesu aratairaa, te faaohipa ra e mirioni na te ao i te Bibilia no te haapii i te taata ia vai hau e vetahi ê. Ua fatata ïa te hau i te tupu i te fenua nei!—A taio i te Isaia 2:3, 4; 54:13.