TE PAHONO RA TE BIBILIA

Na vai i poiete i te Diabolo?

Na te Atua anei? E ere. Ta ˈna râ i poiete, o te melahi ïa i riro i muri aˈe ei Diabolo, parau-atoa-hia Satani. Ua parau Iesu e i na mua ˈˈe i haapao na te Diabolo i te parau mau e aita atoa ana e hara. I te haamataraa e tamaiti melahi taiva ore ïa na te Atua te Diabolo.—A taio i te Ioane 8:44.

E nafea e nehenehe ai i te hoê melahi e riro ei Diabolo?

Ua patoi te melahi tei riro ei Diabolo i te Atua e ua turai i na taata matamua ia na reira atoa. Na ˈna ïa i faariro ia ˈna iho ei Satani, o te “Patoi” te auraa.—A taio i te Genese 3:1-5; Apokalupo 12:9.

Mai te toea o te mau mea maramarama ta te Atua i poiete, e tiamâraa to te melahi i riro ei Diabolo e maiti i te rave i te mea maitai aore ra i te mea ino. Ua hinaaro râ oia ia haamorihia o ˈna. Ua puai aˈe to ˈna hinaaro i te hanahana i to ˈna hinaaro e faaoaoa i te Atua.—A taio i te Mataio 4:8, 9; Iakobo 1:13, 14.

E nafea te Diabolo e haavare noa ˈi i te taata? E mea tia anei ia mǎtaˈu ia ˈna? E nehenehe oe e ite i ta te Bibilia pahonoraa i teie mau uiraa.