Ua ite anei outou?

No te aha e feia hoo moni ai to roto i te hiero i Ierusalema?

▪ Hou rii to ˈna poheraa, ua faahapa Iesu i te feia e rave ra i te ohipa tia ore i te hiero. Te faatia ra te Bibilia e ua tiahi oia i rapaeau i te feia e hoo atu e tei hoo mai e ua huri i raro i te mau iri a te feia hoo moni e te parahiraa o te feia hoo uupa. Ua parau atura ia ratou: “Ua oti hoi i te papaihia e, E parauhia to ˈu fare e fare pureraa, faarirohia iho nei râ e outou ei ana no te eiâ.”—Mataio 21:12, 13.

I te senekele matamua, i haere na te ati Iuda e te feia i farii i te haapaoraa ati Iuda no te mau fenua e oire rau i te hiero i Ierusalema. E titauhia ia aufau ratou i te tute tamatahiti o te hiero, ia hoo mai i te mau animara ei tusia, e ia horoa i te mau ô. E taui ratou i ta ratou moni na roto i te moni faaohipahia i Ierusalema. E tapea râ te feia hoo moni i te tahi tuhaa o te moni. Hou te mau oroa ati Iuda, e faanaho ratou i ta ratou mau iri i roto i te Aua faataahia no te feia o te mau nunaa i te hiero.

Ua faahapa Iesu i te feia hoo moni tei faariro i te hiero ei “ana no te eiâ,” e moni rahi roa hoi ta ratou i tapea.