Ua horoa Iesu i to ˈna ora no e rave rahi

Ua parau Iesu Mesia i ta ˈna mau pǐpǐ e “aita” oia i haere mai i te fenua “ia tavinihia to ˈna, ei tavini râ, e ia horoa i to ˈna ora ei hoo no te taata e rave rahi.” (Mataio 20:28) Ua ineine oia i te horoa i to ˈna ora no te maitai o vetahi ê.

Mea nafea to Iesu horoaraa i te hoo na roto i to ˈna poheraa? No te aha i titauhia ˈi te reira? Ua faatusia Iesu i to ˈna ora no vai ma? E eaha te auraa no oe to ˈna poheraa?

Te titau manihini nei te mau Ite no Iehova ia oe ia amui mai ia ratou no te hiˈopoa i te mau pahonoraa Bibilia i teie mau uiraa. I teie matahiti, e tupu te Oroa haamanaˈoraa i te poheraa o Iesu i te Mahana piti 30 no Mati, i muri aˈe i te toparaa mahana. I reira e faaitehia ˈi te mau pahonoraa Bibilia i te mau uiraa i nia nei.

E nehenehe oe e haere i te Piha a te Basileia fatata roa ˈˈe i to oe fare. A ani i te mau Ite no Iehova no to oe vahi i te hora e te vahi tia.