Oreroraa parau taa ê no te taatoaraa
O vai te mea aravihi aˈe no te faatere i te huitaata?
O vai ïa faatere e nehenehe
• e faatitiaifaro i te mau fifi i te pae faanavairaa faufaa, a haapapu atu ai i te maa pue noa e te nohoraa maitai roa no te taata atoa?
• e arai i te mau ati natura, a ape atu ai te taata i te tuinoraa faatupuhia e te mau tsunamis, te mau mataˈi rorofai, aore ra te mau aueueraa fenua?
• e faaore i te mau maˈi atoa, a faahoˈi atoa ˈi i te taata paari i to ˈna apîraa?
• e faaore i te mau tamaˈi atoa, a nehenehe atu ai to ˈna mau taata e ora i roto i te hau e te panoonoo ore?
• e faahoˈi mai i te vai-faito-raa maitai roa o te natura, a faariro atu ai i te fenua ei paradaiso?
Hoê anaˈe Faatere o te nehenehe e hopoi mai i teie mau haamaitairaa atoa. O vai teie Faatere? E pahonohia taua uiraa ra i roto i te oreroraa parau no te taatoaraa “O vai te mea aravihi aˈe no te faatere i te huitaata?” E horoahia teie oreroraa parau bibilia i te ao atoa nei i roto e 230 tiahapa fenua. I te rahiraa o te mau vahi, e hohorahia te reira i te Piha a te Basileia a te mau Ite no Iehova i te Tapati 6 no Eperera 2008. E oaoa te mau Ite i to oe vahi i te faaite atu i te taime e te vahi. Te titau-manihini-hia ra oe ia haere atu.