22 no Mati 2008—Te hoê mahana e mea tia ia haamanaˈo

I te po hou oia a pohe ai, ua horoa Iesu i te hoê pane hopue ore e te hoê auˈa uaina na ta ˈna mau aposetolo e ua faaue ia ratou ia amu e ia inu atu. Ua parau atoa oia ia ratou e: “E na reira outou ei manaˈoraa ia ˈu.”—Luka 22:19.

I teie matahiti, e tupu te haamanaˈoraa i taua oroa ra i te Mahana maa 22 no Mati, i muri aˈe i te toparaa mahana. E ruru te mau Ite no Iehova e ati aˈe te ao nei i taua po taa ê ra no te faatupu i taua Oroa haamanaˈoraa ra mai ta Iesu i faaue. Te titau-manihini-hia nei oe ia apiti mai ei taata mataitai. A ani na i te mau Ite no Iehova i ǒ oe i te hora e te vahi tia o te putuputuraa.