Ua ite anei outou i te Atua ma to ˈna iˈoa?

UA FAAARA tera uiraa i te anaanatae o te hoê vahine i te tuhaa apatoa tooa o te râ o Asia i Ropu. I nia i te api matamua o te Réveillez-vous! o te 22 no Tenuare 2004 te iteraahia tera uiraa. Ua papai te vahine ra i te feia nenei e: “Ua anaanatae oioi au i ta outou vea e ua tauturu te reira ia ˈu ia tiatonu i te mau faufaa morare maitai. Ua maitai roa mai ta ˈu huru hiˈoraa i te oraraa. Te paraparau ra vau i te taata atoa no nia i to tatou Atua e te hau ta taua ite ra e horoa mai.”

Oia mau, i te vahi e rave rahi, “e tae noa ˈtu i te hopea o te fenua ra,” te ite ra te taata i te iˈoa o te Atua, o Iehova. (Ohipa 1:8) Ei hiˈoraa, e nehenehe tera iˈoa na roto i te reo Turkmène, Yehowa, e ite-ohie-hia i roto i te huriraa Turkmène o te mau Papai Moˈa. E taiohia i roto i te Salamo 8:1 e: “E to matou Atua, e Iehova! Ua teitei to oe iˈoa e ati noa ˈˈe te mau fenua atoa nei!”

No te haapii hau atu â no nia i te Atua ra o Iehova, ua ani te vahine i te buka rairai e 32 api Te iˈoa o te Atua e vai noa e a muri noa ˈtu. E nehenehe atoa outou e ani i tera buka rairai i te hoê o te mau Ite no Iehova.