E nafea ia haafaufaa i te mahana taitahi

“E HAAPII mai ia matou i te taio i to matou pue mahana, ia riro to matou aau i te haapao maitai.” (Salamo 90:12) E pure haehaa teie a te papai bibilia ra o Mose. Eaha mau na ta ˈna i ani? E mea tia anei ia faaohipa tatou i te hoê â aniraa faatura?

I te irava 10, te autâ ra Mose no te poto o te oraraa o te taata. I te tahi atu taime, ua papai oia i te parau a Ioba, o tei parau e: “Area te taata ta te vahine e fanau nei, aita rea o ˈna pue mahana, e te î hoi i te peapea.” (Ioba 14:1) Mea maramarama maitai e ua oto roa o Mose no te naturaraa poto o te oraraa o te taata tia ore. No reira, ua faariro oia i te mahaha taitahi o te oraraa mai te hoê ô faufaa roa. Ma te taparuparu tia ˈtu i te Atua, ua faaite Mose i to ˈna hinaaro e ora i te toea o to ˈna oraraa ma te paari, mai ta to ˈna Atua Poiete ra e au. Eita atoa anei tatou e imi i te faaohipa maitai i te mahana taitahi o to tatou oraraa? Ta tatou tutavaraa tera mai te peu e e hinaaro tatou i te farii maitai a te Atua i teie nei.

Te vai atu â ra te hoê tuhaa o tei turai ia Mose e ia Ioba atoa, te hoê tuhaa o te turai atoa ia tatou, e tia ˈi. Te tiai ru ra teie na taata paieti toopiti atoa i te hoê haamaitairaa no a muri aˈe—te oraraa i nia i te fenua i roto i te mau tupuraa maitai roa ˈˈe. (Ioba 14:14, 15; Hebera 11:26) I taua tau ra, eita te ohipa maitai a te hoê taata e mutu i te pohe. Te opua ra to tatou Atua Poiete e ia ora te mau taata haapao maitai e a muri noa ˈtu i nia i te hoê fenua paradaiso. (Isaia 65:21-24; Apokalupo 21:3, 4) E nehenehe te reira e riro ei tiaturiraa no outou atoa ‘ia taio outou i to outou pue mahana, ia riro to outou aau i te haapao maitai.’