Te tapiraa ia rahi atu â te mau mea materia

“Mai te peu e e mau hinaaro mâha ore to tatou, aita noa ïa e mea e haamâha.”—Te hoê parau faataa a te pu maimiraa Worldwatch.

“EAHA ta tatou e hinaaro nei? Te mau mea atoa. Afea tatou e hinaaro ai i te reira? I teie nei â.” E poroi matauhia teie i rotopu i te tahi mau piahi no te haapiiraa tuarua i te mau matahiti 1960 ra. I teie mahana, eita paha teie noâ mau parau e faaroohia, tera râ, te vai noa ra te manaˈo tumu. Oia mau, e au ra e e tapao taa ê to te tapiraa ia rahi atu â te mau mea materia no to tatou tau.

No te taata e rave rahi, ua riro te noaaraa te faufaa e te mau taoˈa rahi atoa ei fa matamua i roto i to ratou oraraa. Ua parau Jimmy Carter, te Peretiteni tahito o te Hau Amui i te hoê mahana e: “Aita te ihotaata o te huitaata i itehia na roto i ta te taata raveraa, e mea na roto râ i ta te taata iho mau mea.” Te vai ra anei te tahi mea faufaa ˈtu â i te mau taoˈa rahi? Mai te peu e e, eaha ïa, e eaha te mau maitai ta te reira e hopoi mai?