A maiti i te ora mure ore

E RAVE rahi na mua ˈˈe, aita roa ˈtu i rahi ta ratou mau maitiraa. Ei hiˈoraa, e maiti pinepine tatou i te ahu ta tatou e oomo, te maa ta tatou e amu, e te vahi e rave ai tatou i te ohipa e e faaea ˈi. I te mau vahi e rave rahi o te ao, e peu matau-atoa-hia te maitiraa i to ˈna hoa faaipoipo. Te horoa ra râ te Bibilia i te hoê maitiraa o tei hau ê i te tahi atu mau maitiraa atoa—hoê maitiraa no te huitaata atoa.

Te na ô ra te Bibilia e: “Mai te parau-tia e aratai i te taata i te ora; oia atoa tei auau i te ino ra, te ru ra ïa i te pohe.” (Maseli 11:19) E ua parau o Iesu Mesia e: “Teie hoi te ora mure ore, ia ite ratou ia oe i te Atua mau ra, e ia Iesu i te Mesia i ta oe i tono mai.”—Ioane 17:3.

Oia, ua faatae mai to tatou Atua Poiete i te ravea e maiti ai tatou i te hoê haerea o te aratai atu i te ora mure ore ra! Eaha te titauhia ia rave tatou e noaa ˈi te ora mure ore?

Ia au i te Bibilia, “tei te eˈa parau-tia ra te ora.” (Maseli 12:28) E nehenehe tatou e vai i rotopu i te feia parau-tia e haere ra na te eˈa o te ora mure ore. E nafea? Ma te haapapu e te au ra to tatou oraraa i te hinaaro o te Atua e ta ˈna mau faaueraa. (Mataio 7:13, 14) Ia rave ïa tatou i te maitiraa maitai e ia fanaˈo i te ô o te ora mure ore a te Atua.—Roma 6:23.