Ia riro te maue-ê-raa ei haerea paari

I ROTO i te ao o teie tau, te ite-pinepine-hia ra te hoê varua haapaari e te aa aore ra te faahemaraa. Te taata e maue ê i te hoê tupuraa, e hiˈohia ïa oia mai te hoê taata paruparu e te taiâ. E nehenehe atoa oia e faaooohia.

Teie râ, te faataa ra te Bibilia e i te tahi mau taime, e haerea paari e te itoito te horo-ê-raa. Ma te haapapu i te reira, hou oia a tono ai i ta ˈna mau pǐpǐ i roto i te taviniraa, teie ta Iesu Mesia i parau ia ratou: “Ia hamani ino mai râ ratou ia outou i te tahi oire, a maue ê atu i te tahi.” (Mataio 10:23) Oia mau, e tia i te mau pǐpǐ a Iesu ia tamata i te maue ê i te feia e hamani ino ra ia ratou. Eiaha ratou ia rave i te hoê noa ˈˈe ohipa mai te aroraa faaroo, a faahepo ai i te taata ia taui i te haapaoraa. E afai ratou i te poroi no te hau. (Mataio 10:11-14; Ohipa 10:34-37) No reira, maoti i te iria haere noa, e tia i te mau Kerisetiano ia maue ê no te faaatea ê atu i te feia e aa maira. I te na reiraraa, e tapea ïa ratou i te manaˈo haava maitai e i to ratou mau taairaa faufaa e o Iehova.—Korinetia 2, 4:1, 2.

E hiˈoraa taa ê roa to roto i te buka bibilia ra Maseli. O te faahitiraa ïa no te hoê taurearea o tei haere na muri iho i te hoê vahine faaturi “mai te puaatoro e haere i te taparahiraa ra,” maoti i te maue ê i te faahemaraa. Eaha te faahopearaa? E ati ïa no to ˈna rooraahia i te faahemaraa tei haafifi i to ˈna iho oraraa.—Maseli 7:5-8, 21-23.

Eaha râ ïa mai te peu e to mua outou i te faahemaraa e rave i te taatiraa morare ore aore ra i te tahi fifi ê atu? Ia au i te Parau a te Atua, mea maitai aˈe e maue ê, e faaatea oioi mai i taua tupuraa ra.—Maseli 4:14, 15; Korinetia 1, 6:18; Timoteo 2, 2:22.