Te tupuraa faufaa roa ˈˈe o te tuatapaparaa

O TE poheraa ïa o Iesu Mesia. No te aha te reira e mea faufaa roa ˈi? No te tahi ïa mau tumu.

Ua haapapu te haapao maitai o Iesu e tae noa ˈtu i te poheraa e e nehenehe te taata e tapea i to ˈna iho taiva ore i te Atua.

Ua horoa te poheraa o te Mesia i te ravea na te tahi pae ia riro ei arii apiti i nia i te raˈi. Ua iriti atoa te reira i te eˈa e ia fanaˈo e rave rahi atu â taata i te ora mure ore i roto i te paradaiso fenua.

I te ahiahi hou oia a pohe ai, ua faaohipa o Iesu i te pane hopue ore e te uaina uteute ei taoˈa taipe no ta ˈna tusia taata î i te here. E ua parau atu oia i ta ˈna mau pǐpǐ: “E na reira outou ei manaˈoraa ia ˈu.” (Luka 22:19) E haamanaˈo anei outou i taua tupuraa faufaa ra?

Te titau manihini maitai atu nei te mau Ite no Iehova ia outou i te Oroa haamanaˈoraa i te poheraa o Iesu. I teie matahiti, e tupu te reira i muri aˈe i te toparaa mahana i te Mahana maha 28 no Mati. E nehenehe outou e haere atu i te Piha a te Basileia fatata noa. Ia au ia outou, a ani atu i te mau Ite no Iehova no to outou vahi i te hora tia e te vahi.