E faaohipa ratou i te iˈoa o te Atua i Afirika no Ropu

E TIATURI te rahiraa o te taata i Afirika no Ropu i te Atua. Ua papu ia ratou e o oia te Atua Poiete o te mau mea atoa. (Apokalupo 4:11) Mai te mau taata e rave rahi râ i te mau vahi atoa, e pinepine aita ratou e tâuˈa ra i to ˈna iho iˈoa—Iehova.

E faahiti te mau taata i Afirika no Ropu mai i te tahi atu mau vahi o te fenua nei i te iˈoa o te Atua ia parau ratou e, “Ia raa to oe iˈoa” i roto i te Pure a te Fatu. (Mataio 6:9) Mea maoro râ i teie nei, mea iti o tei ite i taua iˈoa ra. I te roaraa râ o te mau matahiti, ua taui te ohipa pororaa itoito a te mau Ite no Iehova i te huru o te taata i mua i te faaohiparaa i te iˈoa o te Atua. I teie mahana, ua matau-rahi-hia te iˈoa o te Atua e ua fariihia i roto e rave rahi mau reo Afirika, mai te reo Zoulou (uJehova), Yoruba (Jehofah), Xhosa (uYehova) e Swahili (Yehova). Teie râ, te ape noa ra te rahiraa o te mau huriraa Bibilia na roto i teie mau reo i te faaohipa i te iˈoa o te Atua.

Te hoê huriraa maitai o te faaohipa ra i te iˈoa o te Atua, o te Bibilia ïa na roto i te reo Zande, e reo e paraparauhia i te mau vahi i te Repupirita Afirika no Ropu, i Soudan, e te Repupirita Demotaratia no Congo. I taua vahi ra o te ao, e faaohipa te taata i te iˈoa o te Atua, ma te papai Yekova na roto i to ratou reo tumu. Noa ˈtu eaha te papairaa i te iˈoa o te Atua na roto i te reo o te nunaa, mea faufaa ia faaohipa i te reira. No te aha? No te mea “te taata atoa o te tiaoro i te iˈoa o Iehova ra, e ora ïa.”—Roma 10:13, MN.

[Hohoˈa fenua/Hohoˈa i te api 32]

(Hiˈo i te papai)

SOUDAN

REPUPIRITA AFIRIKA NO ROPU

REPUPIRITA DEMOTARATIA NO CONGO

[Faaiteraa i te tumu]

The Complete Encyclopedia of Illustration/J. G. Heck