Parau tuite maitai roa

TERA ïa ta te hoê taatiraa (Association des journalistes congolais et africains pour le développement [AJOCAD]) i te Repupirita Demotaratia no Congo i horoa no te “haamauruuru i te feia aore ra te mau faanahonahoraa totiare o tei faataa ê ia ratou na roto i ta ratou turu i te haereraa i mua i [Congo].”

I te 17 no Novema 2000, ua horoahia te Parau tuite maitai roa na te mau Ite no Iehova no “ta ratou turu i te haereraa i mua o te feia no Congo [maoti] te faaineineraa e te haapiiraa e vai ra i roto i ta ratou mau papai.”

No nia i te tuharaa re, teie ta te vea ra Le Phare no Kinshasa i faaite: “Mea fifi ia itea mai te hoê taata no Congo aita i taio aˈenei i te mau vea o Te Pare Tiairaa e o te A ara mai na! aore ra te tahi atu â mau papai i neneihia e te mau Ite no Iehova. [E faahohonu] teie nau vea i te mau tuhaa atoa o te oraraa.” Ua faahiti atoa te tumu parau e te faaite ra te mau papai “nafea ia faaruru i te mau fifi o te mau mahana atoa” e eaha “te auraa mau o te mau ohipa e tupu ra.” “Eita” te numera taitahi o te A ara mai na! “e faaô i roto i te mau ohipa poritita e eita e faateitei i te hoê opu taata i nia ˈˈe i te tahi.” Hau atu â, e patu te mau papai i “te tiaturi i te parau fafau a te Atua Poiete oia hoi te hoê ao hau e te panaˈonaˈo ore o te fatata i te mono i teie nei faanahoraa ino e te tia ore o te mau mea.”

Mai tei tapaohia e te AJOCAD, ua faufaahia te hoê tuhaa rahi o te huiraatira no Congo i te mau papai a te mau Ite no Iehova. Te vai ra ta ratou poroi o te horoa i te tiaturiraa na roto tau hanere reo, e nehenehe atoa outou e faufaahia i te reira.

A taio na ïa i tei papaihia i raro nei no te ite nafea outou e faufaahia ˈi i te reira.