Te hoê tupuraa eiaha ia mairihia

“Te mau mea maitatai i ho-mai-hia mai, e te mau mea tia roa e maitai roa ˈi,” no nia mai ïa i te Atua, to tatou Metua i te raˈi ra.—Iakobo 1:17.

TE Ô rahi roa ˈˈe ta te Atua i horoa na te huitaata hara nei, o te faanahoraa ïa e ia tapoˈihia ta ratou mau hara maoti ta ˈna Tamaiti fanau tahi, o Iesu Mesia. Maoti te pohe o Iesu ei Hoo no tatou e tupu ai te ora mure ore i nia i te hoê fenua paradaiso. I roto i te Luka 22:19, te faauehia ra tatou e haamanaˈo i to ˈna poheraa.

Te titau manihini atu nei te mau Ite no Iehova ia outou ia apiti mai e o ratou no te pee i te faaueraa a Iesu. E tupu teie oroa tamatahiti i muri aˈe i te toparaa mahana i te taio mahana e tano i te 14 no Nisana ia au i te tarena avaˈe o te Bibilia, oia hoi i te Tapati 8 no Eperera 2001. A tapao i teie taio mahana ia ore e moehia ia outou. E nehenehe te mau Ite no Iehova no to outou vahi e faaite ia outou i te vahi e te hora tia.