Te here Kerisetiano—E ere mea ta te vaha noa

I TE paapaaraa to ratou fare i te auahi i Trinité, ua ere te utuafare Bartholomew i te mau mea atoa taa ê noa ˈtu to ratou ora. Ua farii te hoê fetii e noho ra i pihai atu, ia ratou, aita râ te aamu i hope i reira.

E Ite no Iehova o Olive Bartholomew, e ua haamata te tahi mau melo o te amuiraa i reira oia e tavini ai—e te tahi atoa no te mau vahi tapiri—i te horoa i te mau ô no te patu faahou i te fare i erehia e oia e to ˈna utuafare. Ua haamauhia te hoê tomite no te tiaau i te patu-faahou-raa, e ua haamata aˈera te paturaa. Fatata e 20 Ite e te tahi mau taata tapiri tei ohipa. Ua apiti atoa ˈtu te tahi feia apî, area te tahi pae ra, te haa ra ïa i te pûpû i te pape toetoe.

“Ua putapû roa to ˈu utuafare,” o ta Olive ïa i parau, ia au i te faataaraa a te Sunday Guardian no Trinité. “E ere ratou i te mau Ite, e te maere noa nei â ta ˈu tane i ta ˈna e ite ra.”

Ei haapotoraa, ua haamataratara te tiaau o te paturaa e e mau tapao o te Kerisetianoraa mau teie mau haaraa. “Eita matou e haere noa i tera e tera fare e paraparau no nia i te here,” o ta ˈna ïa i parau. “Te tamata nei matou i te faaohipa i ta matou e poro ra.”—Ioane 13:34, 35.

[Hohoˈa i te api 32]

O Olive Bartholomew e ta ˈna tane