Te horoaraa, mea faufaa roa ïa i mua i te aro o Iehova

Ua faataehia mai te rata i muri nei i te amaa a te mau Ite no Iehova i Mozambique:

“E tamaroa vau e e 7 matahiti to ˈu. Tei te haapiiraa tuatahi noa nei au. Te hapono ra vau i teie moni i noaa mai ia ˈu maoti te faaamuraa i te hoê fanauˈa moa. Ua hoo vau ia ˈna 12 000 Meticais [1 dala Marite]. Te haamauruuru nei au ia Iehova no te mea ua riro te fanauˈa moa matamua ta ˈu i faaamu ei moa. Te hinaaro nei au ia faaohipahia ta ˈu ô no te turu i te ohipa a te Basileia o Iehova.

“P.S.: Ua tauturu mai to ˈu metua tane ia ˈu no te papai i teie rata.”

Te faatuati nei te tahi mau taata i te horoa maitai i te feia e mau taoˈa materia hau ta ratou. Teie râ, ia taio tatou i te aamu Bibilia no nia i te vahine ivi o tei tuu “i na lepeta e piti” i roto i te pueraa, e nehenehe ïa tatou e taa e e faitohia te horoa maitai, eiaha ia au i te horoa-rahi-raa, ia au râ i te horoaraa ma te mafatu hinaaro mau.—Luka 21:1-4.

Te mauruuru ra Iehova i te mau ô atoa, noa ˈtu e mea iti, no roto roa mai i te hoê mafatu turaihia e te here. E te haamaitai rahi maira oia i te feia e pee ra i to ˈna horoa maitai na roto i te horoaraa i to ratou taime, to ratou puai, aore ta ratou mau taoˈa materia no to ˈna Basileia.—Mataio 6:33; Hebera 6:10.