“To ˈu haereraa i te Piha no te Basileia”

Ua maitihia o Laura,a te hoê potii e haere ra i te haapiiraa tuatoru, no te apiti atu i te hoê putuputuraa faaroo e no te papai i te hoê faatiaraa no nia i ta ˈna i ite. Ua maiti oia i te mau Ite no Iehova, e teie te tumu parau o ta ˈna parau haapiiraa, “To ˈu haereraa i te Piha no te Basileia.” Eaha te taa-ê-raa ta Laura i ite i nia i te mau Ite? I roto i te mau mea e rave rahi ta ˈna i faahiti, te vai ra te mau parau i muri nei.

Te mau tamarii: “Te parahi ra te mau tamarii atoa i roto i te hoê â piha e te mau taata paari. I roto i te mau ekalesia atoa ta ˈu i haere, e faarue te mau tamarii i to ratou mau metua no te apiti atu i te Haapiiraa Sabati.”

Te au-maite-raa i rotopu i te mau nunaa ěê: “Mea pinepine, e huti te mau ekalesia i te mau melo no te hoê nunaa aore ra opu fetii. . . . Area râ te mau Ite no Iehova, e amui pauroa ratou ma te ore e tapǔpǔ.”

Te farii-maitai-raa: “E rave rahi taata tei haere mai e paraparau ia ˈu. . . . Ua ani atoa mai vetahi e te haapii ra anei au i te Bibilia e te hoê taata. Aita râ vau i manaˈo e te faahepo ra ratou ia ˈu. Ua vaiiho . . . ratou e na ˈu e faaoti.”

Aita e titauraa moni: “Te hoê mea tei haamaere roa ia ˈu, te mea ïa e aita hoê aˈe taata i titau i te moni. . . . Area te mau ekalesia ta ˈu i haere, ua titau ïa i te moni i roto atoa i te mau pǔpǔ haapiiraa a te mau tamarii.”

Te vai ra fatata e 90 000 amuiraa a te mau Ite no Iehova na te ao nei. No te aha e ore ai e haere atu i te hoê amuiraa fatata roa ˈˈe no outou?

[Nota i raro i te api]