‘Auê, ahiri e mai ia ratou ra te mau taata atoa!’
Ua faahitihia teie mau parau e te hoê papai vea i roto i te vea no Luxembourg Letzebuerger Journal. O vai ïa ta ˈna e faahiti ra?
Ua tere atu o ˈna i Polonia no te oroa o te 50raa o te matahiti o te faatiamâraahia o Auschwitz e ua tapao o ˈna e aita te hoê pǔpǔ o tei mauiui rahi i reira i faahiti-noa ˈˈe-hia. I roto i ta ˈna vea o te 2 no febuare 1995, ua faataa oia i teie pǔpǔ mai te mau Ite no Iehova e ua papai oia e: “Aita te tapearaa aore ra te aua tapearaa taata ino roa ˈˈe, te haamǎtaˈuraa o te haapoheraa i te poia aore ra te haapoheraa i te toi aore ra te tâpûraa i te arapoa, i turai ia ratou ia faarue i to ratou faaroo.” Ua na ô faahou oia e: “Ua maere roa ˈtoa te mau tiai SS etaeta i te itoito ta te mau Ite no Iehova i faaite tae roa ˈtu i to ratou poheraa.”
Aita te mau Ite no Iehova i hinaaro e ia haapohehia ratou. Tera râ, mai te mau kerisetiano o te senekele matamua, ua maiti tau tausani o ratou i te pohe maoti i te ofati i te mau faaueraa tumu kerisetiano. Ua faataa teie huru faaroo ia ratou ei mau taata taa ê mau i te roaraa o te mau mahana ino o te Toruraa o te Reich.
Ua faaoti te papai vea e: “Auê, ahiri e mai te mau Ite no Iehova ra te mau taata atoa!” Ahiri ratou i na reira, eita ïa te piti o te tamaˈi rahi e tupu.