E faufaahia anei oe i te reira?

TE VEA e vai ra i roto i to oe rima ua neneihia no te faaitoito i te taata, ma te faahaamanaˈo i te mau aratairaa a te Bibilia no te faaetaeta i te mau utuafare e ia vai parau-tia te taata taitahi. Te faaite ra oia e ua tohuhia e te Bibilia te mau tau ahoaho o teie nei mau mahana, e te haafaufaa ra oia i te ravea hoê—te faatereraa o te Basileia a te Atua. E faufaahia anei oe i Te Pare Tiairaa e te A ara mai na!, to ˈna apiti?

Na Philipino mai ua papai mai te hoê vahine o Vilma te iˈoa e: “Ahiri e aita e parau no te faataa i ta outou mau vea, te manaˈo ra vau e maiti i te parau ‘faahiahia roa.’ A tahi ra vau a ite ai e a taio ai i te A ara mai na! e Te Pare Tiairaa tei nia vau i te hoê faurao i te hoˈiraa i to ˈu fare na Manila mai. Ia ratere vau e rave iho â vau i te mau vea, i teie nei râ taime aita vau i rave i te hoê noa ˈˈe vea.

“E tane matahiti au noa to nia i teie tere e te parahi ra oia i pihai iho ia ˈu e ta outou mau vea. I te otiraa ia ˈna i te taio te A ara mai na!, ua rave mai oia i te tahi atu vea, Te Pare Tiairaa. Ua haafaufaa vau i teie taime no te ani ia ˈna ia horoa mai na ˈu i te A ara mai na! Ma te haavare ore, mea au roa na ˈu te taioraa i teie mau vea no te mea e mea anaanatae mau te mau tumu parau atoa, te tano hoi no teie tau, e te haamaitai i te taata.”

Ua faaoti teie vahine e: “E hinaaro mau vau i ta outou mau vea. A faaite mai na ia ˈu e nafea te reira e roaa ˈi ia ˈu.” Ua oaoa te amaa ohiparaa a te mau Ite no Iehova i Philipino i te papai atoa i te iˈoa o teie vahine i nia i ta ratou pueraa iˈoa no te hapono ˈtu i te vea.