A ara mai na! Ta ˈna ohipa i nia i te oraraa o te taata
Te neneihia ra te A ara mai na! na roto e 64 reo, i te hoê faito au noa e 12 980 000 vea no te numera tataitahi. I roto i te ao atoa nei, mea au roa na te feia taio i taua vea ra e te huti atoa nei ratou i te maitai, mai ta te tahi mau rata haamauruururaa e faaite ra. Ua tae mai teie mau parau i te pu ohipa a te Taiete Watch Tower i Ghana, i Afirika Tooa o te râ:
“Te taio tamau nei vau i ta outou vea niuhia i nia i te Bibilia, oia hoi te A ara mai na!, o ta ˈu e au nei no te mea e e haapiiraa to roto. Ua ohipa te mau tumu parau o taua vea ra i nia i to ˈu oraraa i roto e rave rahi mau tuhaa! Noa ˈtu e tei roto vau i te Ekalesia katolika, i te mea e mea au roa na ˈu i te taio i teie vea, e moehia ia ˈu i te tamaa i te mau taime atoa e noaa ˈi ia ˈu i te hoê vea.”
Ua papu ia matou e, noa ˈtu ta outou haapaoraa, e oaoa roa outou i te ite i te mau tumu parau faahiahia mau o te A ara mai na!
Te hinaaro nei au e ia afaihia mai te vea ra A ara mai na! i to ˈu fare. (Mai te peu e aita outou e noho ra i Polinesia Farani, a papai atu i te hoê o te mau vahi nohoraa i te api 2.)