Ua taui teie buka i to ratou oraraa

Tau matahiti i teie nei, ua faataa ê te hoê vahine e ta ˈna tane. E riro mai nei ta ˈna tamaiti ra o Steve ei Ite no Iehova. Ua tamata o Steve, ma te manuïa ore, i te paraparau atu i to ˈna metua vahine no nia i ta ˈna mau tiaturiraa. Ua haere atoa o ˈna e farerei i to ˈna metua tane, fatata roa hoi o ˈna i te pohe i te mariri ai taata.

Maoti i te faahiti e rave rahi mau parau, ua vaiiho noa o Steve i te buka ra E nehenehe oe e ora e a muri noa ˈtu i roto i te paradaiso i nia i te fenua nei i pihai iho i te roˈi o to ˈna metua tane e ua parau aˈera ia ˈna e e tauturu taua buka ra ia ˈna mai te peu e e taio o ˈna. Ua taio to ˈna metua tane i te buka e ua haamata ˈtura, ma to ˈna iho hinaaro, i te apiti atu i te mau putuputuraa a te mau Ite no Iehova i te avae tenuare 1988.

I roto i taua area taime ra, ua nehenehe te metua vahine o Steve e ite i te huru taata apî o te tane ta ˈna i faataa, i roto i te mau farereiraa fetii. I te mea e ua haaputapû roa te reira ia ˈna, ua farii o ˈna i te haere i te hoê putuputuraa a te mau Ite no Iehova. Ua haamata ihora oia i te amui tamau atu i taua mau putuputuraa ra, e aita i maoro roa, ua parahi oia i pihai iho i to ˈna hoa faaipoipo tahito. I te pae hopea, ua faaipoipo faahou raua.

Ua pohe te metua tane o Steve i te avae setepa 1988, i muri aˈe i to ˈna haamataraa i te apiti atu i roto i te taviniraa kerisetiano. I te avae tiunu 1988, ua bapetizohia te metua vahine o Steve, o tei aupuru maite i to ˈna metua tane i roto i te roaraa o te mau avae hopea o to ˈna maˈi, e i teie nei, e Ite itoito mau oia.

E nehenehe oe e ora e a muri noa ˈtu i roto i te paradaiso i nia i te fenua nei, o te hoê ïa buka o te horoa ra i te hoê tiaturiraa ma te faaite i te mau pahonoraa a te Bibilia no nia i te mau fifi o te oraraa. Ua riro teie buka ei mauhaa i roto i te tauiraa o te mau oraraa e rave rahi. E nehenehe e noaa ia outou i te hoê buka ma te faaî e ma te hapono atu i te parau iti i raro nei.

Te hinaaro nei au i te buka vehi paari, e 256 api, E nehenehe oe e ora e a muri noa ˈtu i roto i te paradaiso i nia i te fenua nei. (I rapae au mai ia Polinesia Farani, a papai atu i te amaa a te Watch Tower o to outou vahi nohoraa no te tahi atu mau haamaramaramaraa. Hiˈo i te api 2.)