A ara mai na! Te auhia ra te reira i te mau vahi atoa

E iritihia te A ara mai na! na roto e 55 reo, e e neneihia i te hoê faito au noa e 11 930 000 vea no te hoê numera. E au te mau taata taio o te ao atoa nei i taua vea ra, e e faufaa rahi roa ratou i te reira, na ta ratou mau rata haamauruururaa ïa e haapapu mai. I Thaïlande, ua tae mai teie aniraa i te amaa a te Taiete Watch Tower:

“Te tae pinepine nei te vea ra A ara mai na! [na roto i te reo thaï] i ta matou nei fare haapiiraa. Ua tapao matou i te tumu parau ‘E te mau Metua’ i roto i te numera no te 8 no setepa 1988. E tia i te mau metua atoa o te mau tamarii haere haapiiraa ia taio i te reira. No reira, e nehenehe anei ta outou e hapono mai, mai te peu e te vai faahou ra, e 250 e tae atu i te 400 vea no taua numera ra? E opere matou taua mau vea ra ia tupu faahou anaˈe te rururaa metua-orometua haapii.”

I te fenua Marite, ua papai te hoê vahine e faaea ra i Roanoke e: “E vahine haapao maitai vau i roto i te faaroo baptiste; (...) teie râ, ua haamaramarama te hoê o ta outou mau vea A ara mai na! o ta ˈu i ite i roto i te hoê fare horoiraa ahu o to ˈu vahi, ia ˈu. Ua au roa ˈˈera vau i te taio atu i te reira. E ite atu outou i roto i te puohu rata i te hoê [tino moni e 5 dala marite]; te hinaaro nei au e ia tamatahitihia vau i te A ara mai na! no te hoê matahiti.”

Ua papu ia matou, e faufaahia outou e e au outou i te taioraa o te mau tumu parau faahiahia o te A ara mai na!

Mai te peu e e hinaaro outou i te hoê tamatahitiraa, a faaî e a hapono mai i te parau i raro nei.

Te hinaaro nei au e tamatahiti ia ˈu no te hoê matahiti i te A ara mai na! (1 vea i te avae).