O outou anei ta outou iho idolo?

Ma te ore e ite, te rave nei te tahi pae e ia riro ratou iho ei idolo no ratou. O ta te Bibilia ïa e faataa ra i roto i te Ephesia 5:5, i reira e taiohia ˈi e: “Ua ite hoi outou e, aore o te faaturi, e te taata faufau ra, aore o te nounou taoˈa, e haamori idolo ïa, aore anaˈe ïa e aiˈa i te basileia o te Mesia ra, e no te Atua.” (Kolosa 3:5; hiˈo Galatia 5:19-21). Te vaiiho nei vetahi pae i te mau hinaaro i te pae tino ia tuu i te hoê faataa-ê-raa i rotopu ia ratou e te Atua. Te parau nei o Paulo no taua mau taata ra e “te opu hoi to ratou atua”. (Philipi 3:18, 19.) Ia taui-anaˈe-hia te parau, te haamori nei ratou i te hoê “atua” ê atu ia Iehova no te rave na mua roa i to ratou mau hinaaro i te pae tino. E nehenehe taua huru haerea ra e rave e ia tiavaruhia ratou i te Basileia o te Atua (Korinetia 1, 6:9, 10). E tia mau â ia tatou ia pee i teie nei aˈoraa a te aposetolo Paulo e: “E teie nei, e au mau here e, e maue ê atu i te haamori idolo.” — Korinetia 1, 10:14.