No hea mai te Diabolo

“Ta ˈu ohipa, te haapaoraa ïa e ia tamau te mau tamarii i to ratou hatua pereoo e ia ore ratou e hauti noa”, ta te hoê vahine apî ïa e faataa nei, te rave ra hoi oia i te ohipa afa mahana ei vahine haapao tamarii i roto i te hoê pereoo utaraa tamarii i te mau Etats-Unis. Teie ta ˈna e parau ra:

“Mea fifi roa na ˈu ia haapao i te hoê iho â râ o te mau tamaroa. E ono matahiti anaˈe to ˈna, teie râ, no te parau ino aita ˈtu ïa mai ia ˈna. I te tahi taime, e tia ia ˈu ia haaparahi roa ia ˈna i nia i to ˈna parahiraa e ia parahi atoa ˈtu i pihai iho ia ˈna, a tuu atu ai i to ˈu rima i nia i to ˈna vaha ia ore oia ia hauti. E tue oia i te taata, e paraˈu, e iiti, e parau ino e e tuô o ˈna. Ia faaroo ore anaˈe oia, ia riri roa vau i reira ïa oia e parahi ai i nia i to ˈna parahiraa.

“I te mahana pae ra, mea hauti roa oia. Inaha, eita ta ˈu e nehenehe faahou e faaoromai, ani mai nei oia ia ˈu e: ‘No te aha te Atua i hamani ai i te Diabolo?’ Te vai ra te buka ra Ta ˈu Buka Aamu Bibilia i roto i te pereoo, parau atura vau ia ˈna e e tauturu taua buka nei ia ˈna ia taa e no hea mai te Diabolo. E maere roa paha outou inaha, ua taio mâua e 41 aamu. Ua opua roa hoi au e faaea i te haapao i taua tamarii nei a taui roa ˈi to ˈna huru. I teie nei, ia tae matou i te fare haapiiraa, eita o ˈna e hinaaro faahou e pou, e hinaaro noa râ o ˈna e taio i te tahi atu mau aamu!”

Maoti te tuatapaparaa i teie buka faahiahia roa i itea mai ai i te mau faahopearaa mai teie atoa te huru, i nia i te mau tamarii e rave rahi. Ia noaa atoa ia outou i taua buka rahi nei e 256 api, mea nehenehe roa hoi te mau hohoˈa i roto, a faaî noa mai e a hapono mai i te api parau iti i raro nei e te tino moni ra e 130 tara.

A hapono mai na i te buka ra Ta ˈu Buka Aamu Bibilia.

Te faatae atu nei au i te tino moni ra e 130 tara.