Mai te mau arii tae atu i te patu-faahou-raa ia Ierusalema

Ua tupu te mau aamu i roto i teie tuhaa i te area tau 600 matahiti. Te aamu matamua no nia ia Ionatana, te tamaiti a te arii Saula; i muri iho e aparau tatou no nia ia Davida, te arii matamua taiva ore i Iseraela. E tamau tatou i te taio, no nia i te tahi atu mau tavini a Iehova tae roa i te taime, a hoˈi ai te nunaa o te Atua, mai to ratou hopoi-ê-raa i Babulonia e patu-faahou-raa ia Ierusalema. E haapii atoa tatou i te hiˈoraa o Abigaila, Natana, Elia, Daniela, Esetera, Nehemia e te tahi atu â. Ua hinaaro ratou i te itoito i roto e rave rahi tupuraa. Ei hiˈoraa, ua faatere vetahi i te nunaa orure hau o Iehova, ua taiva ore vetahi a taiva ˈi to ratou faatere e ua faaara vetahi i te nunaa o Iehova i to ratou riroraa mai ei apotata.