HIMENE 152
E vahi arueraa ia oe
(Te mau arii 1, 8:27; Paraleipomeno 1, 29:14)
1. Iehova, mai nia mai i te raˈi
Tei î i to hanahana,
A hiˈo mai i teie vahi
O tei patuhia no oe.
Na to varua e tahoê
To nunaa e tavini nei
Ia oe ma te oaoa.
Ia faateiteihia to iˈoa!
(FAATUATIRAA)
Te mau mea atoa,
Na to rima i ho mai.
No ǒ mai ia oe na
Ta matou nei mau ô.
(FAAHOˈIRAA)
Ia himene to matou reo
Ei umereraa ia oe.
Mauruuru no teie nei vahi
Arueraa i to iˈoa.
2. Iehova, ua ite mau oe,
Ua tiai noa na matou
I teie vahi haamoriraa
Ia haapiihia to mau eˈa.
Mea rahi â te putuputu mai
No te tavini ia oe.
A haamaitai mai te pororaa
Na roto i to Tamaiti.
(FAATUATIRAA)
To matou Metua
Aupuru e te here,
E pûpû atu matou
Te mea maitai roa aˈe.
(FAAHOˈIRAA)
Ia himene to matou reo
Ei umereraa ia oe.
Mauruuru no teie nei vahi
Arueraa i to iˈoa.