Omuaraa parau o te tuhaa 12

Ua haapii Iesu i te mau taata no nia i te Faatereraa arii i te raˈi. Ua haapii atoa oia ia ratou ia pure ia moˈa to te Atua iˈoa, ia tae mai ta ˈna Faatereraa arii e ia tupu to ˈna hinaaro i te fenua nei. E metua anei oe? A faataa i ta oe tamarii eaha te auraa o tera pure no tatou. Aita Iesu i taiva aˈe noa ˈtu te tamataraa a Satani. Ua maiti Iesu i ta ˈna mau aposetolo e ua riro ratou ei mero matamua o te Faatereraa arii. A tapao na i to Iesu itoito rahi no te haamoriraa mau. Inaha ua hinaaro oia e tauturu ia vetahi ê, ua faaora Iesu i te feia maˈi, ua faatamaa oia i tei poia e ua faatia atoa oia i tei pohe. Maoti taua mau semeio atoa ra, ua faaite oia eaha ta te Faatereraa arii e rave no te huitaata.