Omuaraa parau o te tuhaa 9

I roto i teie tuhaa, e haapii mai tatou no nia i te feia apî, te mau peropheta e te mau arii tei faatupu i te hoê faaroo faahiahia mau ia Iehova. I Arama, ua tiaturi papu te hoê tamahine iti Iseraela e e nehenehe te peropheta a Iehova e faaore i to Naamana maˈi. Ua tiaturi papu atoa te peropheta Elisaia e e paruru mai Iehova ia ˈna i te nuu enemi. Ua ineine te tahuˈa rahi o Iehoiada i te pohe no te paruru ia Ioasa i to ˈna apîraa no te mea ua hinaaro Atalia, to Ioasa mama ruau, e haapohe ia ˈna. Ua tiaturi te arii Hezekia e e paruru Iehova ia Ierusalema e aita oia i tuu i mua i te haamǎtaˈuraa a Asura. Ua faaore roa te arii Iosia i te haamoriraa idolo i vai na i te fenua. Ua tataî oia i te hiero e ua tauturu oia i te nunaa ia hoˈi faahou i te haamoriraa mau.