Omuaraa parau o te tuhaa 3

I roto i te Bibilia, mea varavara roa te iˈoa o te feia tei tavini ia Iehova i te mau matahiti i muri aˈe i te diluvi. I roto i te feia tei tavini ia ˈna, te vai ra o Aberahama. Ua matauhia oia mai te hoa no Iehova. No te aha? E metua anei oe? A tauturu i ta oe tamarii ia taa e te haapao ra Iehova ia ˈna e te hinaaro ra oia e tauturu ia ˈna. Mai ia Aberahama e te tahi atu mau tane faaroo, o Lota anei aore ra o Iakoba, e nehenehe tatou e ani i to Iehova tauturu i te mau taime atoa. E nehenehe e tiaturi e e faatupu iho â Iehova i te mau parau atoa ta ˈna i fafau.