E rave anei oe i te hinaaro o Iehova?

Mauruuru ia oe no te hiˈopoaraa i teie buka rairai o te faataa ra o vai ma te mau Ite no Iehova ei nunaa o te Atua, eaha ta ratou ohipa e te tereraa o ta ratou faanahonahoraa. Mea maitai e ua taa ia oe e o matou anaˈe te rave nei i to Iehova hinaaro i teie mahana. A tamau i te haapii no nia i te Atua, i te faaite i ta oe i ite i to oe fetii e hoa e i te amuimui noa mai ia matou i ta matou mau putuputuraa Kerisetiano.—Hebera 10:23-25.

Rahi atu â oe i te haapii no nia ia Iehova, e ite atu â oe e mea here iho â na ˈna ia oe. E hinaaro ïa oe e tutava i te faaite i to oe here ia ˈna i roto i to oe oraraa. (Ioane 1, 4:8-10, 19) E nafea ïa? No te aha oe e maitai ai i te auraroraa i ta ˈna mau ture aveia no nia i te mea maitai e te mea ino? E na te aha e tauturu ia oe ia rave atoa i to te Atua hinaaro? E oaoa te taata poro e faatere ra i ta oe haapiiraa i te faaite atu i te mau pahonoraa, “a tamau ai” oe e to oe utuafare “i te rave i te mau mea e here ai te Atua ia outou, . . . ma te tiaturi i te ora mure ore.”—Iuda 21.

Te ani nei matou ia oe ia haere â i mua i roto i te parau mau ma te haapii atoa i teie buka . . .