No te aha mea faufaa ˈi ia amuimui e te mau taeae e tuahine?

Noa ˈtu e mea na roto i te uru raau, e haere tamau te mau Ite no Iehova i ta ratou mau putuputuraa Kerisetiano. Noa ˈtu atoa te vero, te fifi o te oraraa aore ra te rohirohi no te ohipa, e tutava matou i te amuimui e to matou mau taeae e tuahine. No te aha?

No to matou maitai. Ua papai Paulo e ia “manaˈo” te mau mero o te amuiraa “te tahi i te tahi.” (Hebera 10:24) Oia hoi ia matau te tahi i te tahi. Te faaitoito mai ra ïa te aposetolo ia tâuˈa ia vetahi ê. Ua matau anaˈe matou i te tahi mau utuafare Kerisetiano tei faaruru na i te tahi mau fifi tei afaro, e nehenehe ratou e tauturu mai.

Ia piri atu â te auhoaraa. E amuimui matou e te mau hoa rahi i ta matou mau putuputuraa e i te tahi atu mau taime no te faaanaanataeraa ma te au. Eaha te noaa mai? E piri e e here roa ˈtu â matou te tahi i te tahi. No reira, ia fifi to matou mau taeae e tuahine, e tauturu atu iho â matou no te mea e hoa rahi ê na matou. (Maseli 17:17) Ma te amuimui e te mau mero atoa o te amuiraa, te “haapeapea” nei ïa matou “no te tahi e te tahi.”—Korinetia 1, 12:25, 26.

Te faaitoito nei matou ia oe ia faahoa i te mau Ite no Iehova o te rave ra i te hinaaro o te Atua, noa ˈtu te haafifiraa.

• No te aha mea faufaa ˈi ia amuimui matou i te mau putuputuraa?

• Ua manaˈo ê na anei oe e haere i te hoê putuputuraa?