E mea ino te peu tahutahu e te pifao

Te hinaaro nei Satani ia rave oe i te peu tahutahu. E rave rahi te pûpû i te mau tusia i te mau tupuna aore ra i te mau varua no te paruru ia ratou i te mauiui. E na reira ratou no te mea te mǎtaˈu ra ratou i te mau mana o te ao varua. E omono ratou i te mau tipea aore ra te mau tapea rima tahutahu. E inu ratou aore ra e parai i to ratou tino i te “mau raau” tei manaˈohia e e mana to ratou. I roto i to ratou mau fare aore ra i raro i te repo fenua, e huna vetahi mau taata i te mau taoˈa tei tiaturihia e e mana paruru to ratou. E rave te tahi atu pae i te “raau” tahutahu no te mea te tiaturihia ra e e manuïa te ohipa tapihoo i te reira, i te hiˈopoaraa haapiiraa, aore ra i te haamatauraa.

Te paruru maitai roa ˈˈe i mua ia Satani, ia riro mai ïa Iehova ei hoa no oe. E mana rahi aˈe to te Atua ra o Iehova e ta ˈna mau melahi i to Satani e ta ˈna mau demoni. (Iakobo 2:19; Apokalupo 12:9) Ua ineine roa Iehova i te faaite i to ˈna puai i to ˈna mau hoa, tei tia roa te aau ia ˈna.—Paraleipomeno 2, 16:9.

Te na ô ra te Parau a te Atua e: “Eiaha roa outou e rave i te peu tahutahu.” E faautua Iehova i te peu tahutahu e te pifao no te mea e nehenehe teie mau peu e tuu ia oe i raro aˈe i te mana o te Diabolo ra o Satani.—Levitiko 19:26, New World Translation.