Te tahi atu mau tauturu no to outou utuafare fetii
E hinaaro anei outou i te tahi atu mau buka bibilia no to outou utuafare? E nehenehe te hoê aore ra te taatoaraa o te mau buka i muri nei e noaa ia outou mai te peu e e papai atu outou i te Watch Tower i te hoê o te mau vahi nohoraa i faataahia i te api i muri nei.
Ta ˈu Buka Aamu Bibilia. E 116 aamu no roto mai i te Bibilia te faatiahia ra i roto i teie buka e mau api rarahi (fatata e 7ʺ × 9ʺ). Te faatiahia ra te mau aamu ia au i to ratou tupuraa i roto i te roaraa o te Tuatapaparaa. Ua faaineine-taa-ê-hia teie buka no te mau tamarii. E nehenehe atoa te mau tamarii o tei ore i ite i te taio e fanaˈo i na hau atu i te 125 mau hohoˈa nehenehe mau. E paa rearea to teie buka e e upoo parau papai uteute, e 256 api, e papai orarahi roa, e papie nehenehe mau.
Faaroo i te Orometua rahi. Ua faaineine-atoa-hia teie buka no te mau tamarii nainai. Te faaohipa ra oia i te mau ravea haapiiraa o te haafatata i te mau tamarii i to ratou mau metua e o te faariro i te haapiiraa ei ohipa anaanatae mau. Te tapao matamua o teie buka, o te haapiiraa ïa i te mau ture morare teitei a te Bibilia i te mau tamarii. Ia haapii atu outou i te mau faaueraa tumu maitai no nia i te oraraa i te mau tamarii, e tauturu mau â ïa outou ia ratou ia faaruru i te mau fifi o teie nei tau. E mau hohoˈa nehenehe mau to roto i teie buka, ua papai-orarahi-hia e na roto i te mau parau ohie roa ia taa, e paa paari to teie buka faito nainai e 192 api.