Mea au roa na te taata i te reira

“MEA maitai roa te buka rairai ra Eaha ta te Atua e titau ra ia tatou?, ta outou i nenei. Hoê ahuru noa matahiti to ˈu, ua taa râ ia ˈu i te reira, e mea ohie hoi ia taio. Ua maramarama maitai ia ˈu i te reira, e i to ˈu taeraa ˈtu i te haapiiraa 16, aita vau i hinaaro e taio oioi atu no te mea mea au roa na ˈu te buka rairai. Te hinaaro ra vau ia roa ˈtu â.”

Aita teie buka rairai, o to ˈna api matamua hoi ta outou e ite ra i ô nei, i neneihia no te tamarii noa. Teie râ, mea maramarama maitai te mau tumu parau e mea ohie no te mau tamarii ia taa i te mau haapiiraa tumu a te Bibilia e te huru haerea o ta te Atua e titau ra ia tatou. Ei hiˈoraa, te pahono nei teie buka rairai i te mau uiraa mai teie: Eaha to tatou manaˈo i nia i te haavare? Mea maitai anei te pere moni? Mea ino anei te taeroraa ava? Mea tano anei no te feia o tei ore i faaipoipo e taati i te pae tino?

Mai te peu e papai outou i te amaa a te Taatiraa “Te mau Ite no Iehova,” B.P. 7715, 98719 Taravao, Tahiti, aore ra i te hoê o te mau vahi nohoraa i te api 5, e oaoa ïa matou i te faatae atu i teie buka rairai 32 api Eaha ta te Atua e titau ra ia tatou? Ua faanahohia na 16 haapiiraa ia au i te hoê haapiiraa Bibilia. Teie te upoo parau o te tahi mau haapiiraa “Eaha te opuaraa a te Atua no te Fenua?,” “Eaha te Basileia o te Atua?,” “Te hoê oraraa utuafare o te faaoaoa i te Atua,” e “Mau peu ta te Atua e riri roa.”

□ A hapono mai i te hoê buka rairai Eaha ta te Atua e titau ra ia tatou?

□ A faaite mai ia ˈu no nia i te hoê haapiiraa Bibilia tamoni ore i te fare o te taata.