11 no Eperera 1998—Te hoê mahana te tia ia haamanaˈohia

I te po na mua ˈˈe oia e pohe ai, ua horoa o Iesu i te hoê pane faahopue-ore-hia e i te hoê aˈua uaina i ta ˈna ra mau aposetolo e ua faaue atura ia ratou ia amu e ia inu. Ua parau atoa ˈtu oia ia ratou e: “E na reira [“noa,” MN] outou ei manaˈoraa ia ˈu.”—Luka 22:19.

I teie matahiti, e faatupuhia te haamanaˈoraa o teie oroa i te Mahana maa 11 no Eperera, i muri aˈe i te taperaa mahana. E haaputuputu te mau Ite no Iehova ati aˈe te ao nei i teie po taa ê no te faatupu i teie oroa Haamanaˈoraa mai ta Iesu i faaue mai. Te titau-manihini-atoa-hia ˈtu nei outou ma te mahanahana ia apiti mai ia matou ei feia mataitai. A ani atu i te mau Ite no Iehova i to outou vahi e eaha te hora tia e ihea e tupu ai te putuputuraa.