“Te hinaaro nei au i te faaitoitoraa e te tiaturiraa”

Mai te reira anei to outou huru? Mai te reira to te rahiraa o te mau taata i teie nei mahana. Ua papai atu te hoê vahine no Fort Smith, i Arkansas, i te pu rahi a te mau Ite no Iehova i Brooklyn, New York, e ua faataa ˈtu oia e:

“E mea maramarama e te au ta outou buka ra Te ite e aratai i te ora mure ore. Ua taio taatoa vau i te reira i roto noa e piti mahana. Te horoa nei te reira ia ˈu i te tiaturiraa e ua fatata te ao apî i tǎpǔhia, i raro aˈe i te faatereraa a Iesu Mesia, i te tae mai. Te tiai ru nei au i taua mahana ra.

“Na mua ˈˈe, e tia ia ˈu ia ora i roto i teie nei ao, ma te tiai e ia tupu te reira. Ua paruparu roa vau i teie oraraa faufaa ore, haumani, e te anaanatae ore. Te hinaaro nei au i te faaitoitoraa e te tiaturiraa. Te parau ra outou e na roto i ta outou faanahonahoraa e nehenehe matou e fanaˈo i te hoê haapiiraa Bibilia tamoni ore i te fare mai te peu e te anaanatae ra matou. E nehenehe anei ta outou e faaite mai ia ˈu e nafea ia fanaˈo i te reira? Te manaˈo nei au e e faaitoito mai teie haapiiraa Bibilia ia ˈu.”

Mai te peu e te hinaaro ra outou i te buka ra Te ite e aratai i te ora mure ore aore ra ia haere mai te hoê taata no te aratai i te hoê haapiiraa Bibilia tamoni ore i to outou fare, a papai atu ïa i te amaa a te Taatiraa “Te mau Ite no Iehova,” B.P. 7715, 98719 Taravao, TAHITI, aore ra i te hoê o te mau vahi nohoraa i te api 5.