Te faufaaraa o te hoê vea a A ara mai na!

I te avaˈe Atete 1993, ua iteahia mai e te hoê taata i São Paulo, i te fenua Beresilia, te hoê vea A ara mai na! i roto i te faarueraa pehu. I muri aˈe i to ˈna taioraa i te reira ma te manaˈo faahiahia, ua faatae atu oia i te hoê rata i te amaa a te Taiete Watch Tower i Beresilia. Ua papai oia e: “A hapono mai na i te tahi haamaramaramaraa no te hoê haapiiraa Bibilia tamoni ore. Ua papu ia ˈu e e tauturu rahi mai te reira ia ˈu.”

Ua faataehia ˈtu te aniraa a teie taata i te amuiraa a te mau Ite no Iehova i pihai iho i to ˈna vahi faaearaa. Ua haerehia e farerei i teie taata, e ua haamatahia te hoê haapiiraa Bibilia e o ˈna. I te avaˈe Setepa 1995, ua pûpû teie taata ia ˈna no te Atua na roto i te bapetizoraa i roto i te pape i te hoê tairururaa a te mau Ite.

Eiaha te mana o te vea ra A ara mai na! ia haafaufaa-ore-hia. Te ohipa nei te mau mea e vai ra i roto, i nia i te oraraa o te taata taitahi. Mai te peu e e hinaaro outou i teie vea ma te tamau, a ani atu i te hoê Ite no Iehova aore ra a papai atu i te hoê o te mau vahi nohoraa i faataahia i te api 5.