A faatupu i roto i to outou oraraa utuafare te oaoa

I TO te hoê taata maˈi no Carolina Apatoa, i te Hau amui no Marite, haaponoraa i te api parau iti A fanaˈo i te hoê oraraa utuafare oaoa na te hoê o ta ˈna mau tuati, ua niuniu mai te tuati no te haamauruuru ia ˈna no te reira. Ua parau te tuati e ua faaite oia i te api parau iti i ta ˈna tane e ua taio raua toopiti atoa ra ma te au. Inaha, ua parau te tuati e aita raua i tiaturi e te vai ra te hoê mea maitai roa no te tauturu i te mau utuafare fetii.

Ua faataa te taata maˈi e: “Ua parau mai te tuati ia ˈu e o taua haamaramaramaraa ra iho â ta ˈna e ta ta ˈna tane i tauaparau ei mau ohipa faahiahia e te maitatai i roto i te oraraa utuafare, aita râ raua i manaˈo e te vai atoa ra i nia i te mau api parau tei neneihia. Ua faaoti oia i ta ˈna niuniu ma te parau e te afai atoa ra o ˈna i te api parau iti na muri iho ia ˈna i te mau vahi atoa e te na nia iho noa ra oia i te taio. Ua parau oia e mai te peu e te vai faahou ra ta ˈu te tahi atu mau haamaramaramaraa no nia i te oraraa utuafare, e faaite ïa vau ia ˈna.”

Ua hapono te taata maˈi na te tuati ra te buka Faatupu i te hoê oraraa utuafare oaoa e ua rave oia i te mau faanahoraa no te farerei ia ˈna no te tauaparau. E hinaaro atoa paha outou i te mau haamaramaramaraa no te faaoaoa hau atu â i to outou oraraa utuafare. Mai te peu e e hinaaro outou i te api parau iti A fanaˈo i te hoê oraraa utuafare oaoa e te buka Faatupu i te hoê oraraa utuafare oaoa aore ra i te hoê haapiiraa o te Bibilia tamoni ore i to outou fare, a papai i te amaa a te Taiete Watchtower, B.P. 518, Papeete, TAHITI aore ra i te hoê o te mau vahi nohoraa i faataahia i te api 5.