E mana to outou hiˈoraa i nia ia vetahi

TE FAAOHIPA nei te mau taata atoa i te tahi huru mana i nia ia vetahi ê, no te maitai anei aore ra no te ino anei. Ua papai te hoê taurearea no Nigeria i te avaˈe Novema i mairi e:

“Eita ta ˈu e nehenehe faahou e tapea. Ia taio anaˈe au i te mana i faatupuhia e te faaroo o Wyndham i nia e rave rahi mau taurearea mai ia ˈu nei (te A ara mai na! 22 no Atopa 1992 (farani) te tumu parau “La foi de Wyndham: son impact”), ua ite au e tia ia ˈu ia papai. Ua î roa to ˈu mata i te roimata. Te manaˈo rahi nei au ia Wyndham, mai te huru ra e ua matau vau ia ˈna.

“E maˈi rahi to ˈu i tapeahia ˈi au i te fare maˈi i te mau hebedoma. Ua pure au i te Atua ra o Iehova mai te peu e e titau te taote i te hoê pâmuraa toto, e turu mai Oia ia ˈu e horoa mai o ˈna i te itoito no te tapearaa i ta ˈu mau tiaturiraa mai ia Wyndham Cook, noa ˈtu e pohe au.

“Mai ta ˈu e papai ra, aitâ vau i ora maitai roa, te haamauruuru nei râ vau no te faaiteraa i taua huru tumu parau paari e te itoito.”

Aita te A ara mai na! e tauturu noa i te feia taio ia faaruru i te mau fifi. Te patu atoa râ i te tiaturiraa i roto i te parau tǎpǔ a te Poiete no nia i te hoê ao apî o te hau e te ino ore. Mai te peu e te hinaaro ra outou i te tahi atu â mau haamaramaramaraa no nia i te mau Ite, a haere atu e farerei i te Piha o te Basileia e vai ra i ǒ outou, aore ra a papai mai i te vahi nohoraa fatata roa ia outou, ma te faaohipa i te tabura i api 5.