Te vai ra anei te hoê ravea?

E aratai ra te hiaai maha ore o te taata no nia i te ite i te haapau i te ito, i te moni, te mau taoˈa, e tae noa ˈtu i te ora iho o te taata i te titauraa i te ite no nia i te ao taatoa nei. Ua riro te mau tere na te reva teitei ei fa matamua na te tahi pae, area no vetahi pae ra, o te fenua iho ïa te haapeapearaa rahi. Te pohe ra te taata i te mahana taitahi i te taparahiraa taata, te haavîraa uˈana e te mau tamaˈi. Te faaino nei te taata i te fenua e aita ˈtura te natura i aifaito faahou i te mau haaviiviiraa e te hooraa i te mau faufaa o te fenua. Ua tâpû-ê-hia te “mahaha” o te fenua, oia hoi te mau ururaau rarahi. Ua taero te pape o te fenua e te haamâuˈahia ra te reira. Te vai ra anei te hoê ravea o te manuïa no te arai i teie mau fifi? Ua pûpûhia o A ara mai na! no te huti i to outou ara-maite-raa i nia i ta te Atua ravea mai tei itehia i roto i te Bibilia. Mai te peu e e hinaaro oe i te mau haamaramaramaraa hau atu no nia i teie nei vea, a farerei i te mau Ite no Iehova o to oe vahi aore ra a papai i te nohoraa fatata aˈe e vai ra i te api 5.