Mai te maa haari e tae atu i te taura puru haari

Na to matou papai vea i Inidia

UA ITE fatata te mau taata atoa e eaha te maa haari. Eaha râ te taura puru haari? O te hoê ïa ô e pûpûhia mai e te maa haari tataitahi.

Ua paruruhia te maa monamona uouo o te opaa i roto i te hoê apu paari, tei paruruhia i to ˈna aˈe pae e te puru haari, te hoê puohu meumeu ta vetahi e faarue nei. I te pae apatoa no Inidia, i reira e taoˈa pue noa te mau maa haaari, e iritihia te puru haari, e i muri iho e tapuruhia i roto i te pape, i te tahi taime e vau avaˈe te maoro. E tamǎrûhia te puru haari i muri iho na roto i te tairi-rima-raa e e faahuˈahuˈahia e te matini, e e matara mai te mau taura peni auro tei oruoru—te taura puru haari.

E nehenehe te taura puru haari e penihia e e rave rau mau peni. I muri iho, e tavirihia oia, e e ninohia. E faariro te mau ravea ninoraa e te rima, e te matini aore ra e te uira, i te taura puru haari ei mau tamǎrô avae nehenehe roa, ei mourzouks (peue paari), ei vauvau tahua, e tae noa ˈtu ei tapoˈi tahua aore ra ei tapoˈi pǎpai.

Te titauhia nei te taura puru haari na te ara. Teie te tumu: mea paari oia, eita oia e ino i te haumi; eita oia e pau i te mau manumanu e te ninaemoa; eita o ˈna e pe, eita oia e tapea i te uira e eita o ˈna e ura ohie noa i te auahi; e i te pae hopea, ua riro oia ei taoˈa paruru maitai roa i te anuera e te maniania. E te reira maoti te hoê puru haari tei manaˈohia e aita hoê aˈe faufaa.

[Hohoˈa i te api 16]

E tapuruhia te puru haari i roto i te pape, e vau avaˈe noa ˈtu te maoro.

[Hohoˈa i te api 16]

Ia ûhia oia, e nehenehe te taura puru haari e haunehia ei tamǎrô avae.