Api 2

I roto i na ahuru matahiti i mairi aˈenei, ua rave noa na te taata i te hoê huru oraraa o tei faatupu i te viiviiraa rahi o te taatoaraa o te mau mea ora o te fenua nei — ua viivii roa te fenua, te mau anavai pape, te mau moana e te reva mataˈi. Oia mau, e fifi teie no te ao taatoa nei. Inaha, ua parau te pâpa i roto i ta ˈna poroi no te Mahana o te hau na te ao atoa nei (1 no tenuare 1990) e: “I roto i te rahiraa o te mau tupuraa, te haere tia ˈtu nei te mau faahopearaa o te mau fifi o te natura i rapaeau atu i te mau otia o te mau Hau; no reira, eita te mau ravea e iteahia mai i nia noa i te faito o te hoê nunaa.” — L’Osservatore Romano, 18-26 no titema 1989.

Ua taa ê roa te haapao ore o te taata i mua i to ˈna oraraa no a muri aˈe i te anaanatae ta te Atua e horoa ra no te fenua nei, tei riro hoi ei poieteraa na ˈna e ei fenua tei fatuhia e ana ra (Isaia 45:18). Te hoê fenua mâ, e nehenehe anei te reira e tupu? Mai te peu e e, mea nafea e anafea ïa te reira e tupu ai? E pahono te mau tumu parau i muri nei i teie mau uiraa.